7 ka Pusil ni Mayor Jed Patrick Mabilog, Ginsurrender sa ICPO!

Iloilo City–Ginsurrender ni Mayor Jed Patrick Mabilog ang iya pito ka pusil kay Iloilo City Police Office (ICPO) OIC PSSUPT Remus Zacharias Canieso.

Tatlo ka m16 rifle, isa ka caliber .40, duha ka .9mm pistol kag isa ka sub-machine gin nga .9mm ang ginsurrender sang alkalde kay Canieso. Gindala naman ni Canieso ang mga pusil sa Firearms and Explosive Unit sa Campo Delgado agud matago.

Ang pagsurrender ni Mabilog sang iya mga pusil base man sa mandu ni Presidente Rodrigo Duterte sang ginlawag sini ang mga pangalan sa iya “narco-list” sa diin nalakip ang alkalde. Una na nga ginkakas ang 21 ka police detail ni Mayor Mabilog. (AGB)