Restricted ang status ni Senior Jail Officer 1 Ronald Maguad nga assign sa BJMP-Roxas City matapos natukiban nga nakalab-ot sa ginatudlo drug personality sa Barangay Bakhaw, Mandurriao ang iya issued firearm.

Suno kay Senior Jail Officer 2 Ronelo Diom, case investigator sang BJMP 6, indi maka-duty si Maguad samtang gina-imbestigaran ang kaso. Sa imbestigasyon ni SJO2 Diom, natukiban nga gin-collateral sini sa iya classmate nga gin-utangan sang kuwarta ang m16 rifle.

Apang ginprenda man sang iya classmate sa taga-Dalid, Sta. Barbara ang pusil agud nga mabawi ang gin-utang nga kuwarta. Natukiban nga ginprenda man sang taga-Sta. Barbara sa taga-Pototan ang pusil.

Ginalauman ni Diom nga matapos ang imbestigasyon kag mahibaluan gid kun paano nakatupa kay Boni Prevendido Gregori nga ginatudlo drug personality sa Bakhaw, Mandurriao ang pusil. Ang nasambit nga pusil ang ginturn-over ni Bakhaw Punong Barangay Remia Prevendido-Gregori sa Mandurriao Police Station sang nagligad nga bulan.

Posible nga magpangatubang sang kaso administratibo si SJO1 Maguad bangud sang pagkadtu sang iya issued firearm kay Gregori. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply