Antique–Patay ang 16-anyos nga lalaki sang aksidente nga naglupok ang iya ginahampangan nga pusil sa Barangay Aras-Aras, Sebaste kagab-i

Suno kay PO3 Rene Bandiola, investigating officer sang Sebaste Police Station, wala nagpamati si alyas Vince sang ginsaway sang iya duha ka manghod nga indi paghampangan ang 38-caliber. Gintaya ni Vince sa iya ulo ang pusil kag ginpitik ang gatilyo apang wala naglupok gani gin-ilisan sini sang bala kag liwat nga gintaya sa wala nga sentido tubtub nga naglupok.

Gindala si Vince sa Angel Salazar General Memorial Hospital sa San Jose, Antique apang gindeklarar nga napatay alas 9:50 kaina sang aga. Ginahibalo pa sang kapulisan kun diin ginkuha sang biktima ang pusil. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply