Passi City — Patay ang 26-anyos nga lalaki sa buybust operation sang Passi City police sa Barangay Railway Poblacion Ilaya Passi City.

Ginkilala ang napatay suno kay Chief Inspector Elmer Magbanua, hepe sang Passi City Police Station nga si Michael Huesca sang Guinobatan, New Lucena.

Suno kay Magbanua, nagabot sang pusil si Huesca kag gintiro ang police nga nagpakuno kuno nga poseur buyer apang wala naglupok.

Napilitan ang mga pulis nga magbalos palupok sa diin may duha ka igo sa kilid sang lawas si Huesca.

Narecover kay Huesca, ang mga drug paraphernalia, 38 caliber revolver kag mga bala.

 

Guimaras

Patay ang drug surrenderee matapos natiruhan sa buybust operation sa Buenavista Guimaras kaina sang kaagahon.

Suno kay Chief Inspector Raymond Cruz, hepe sang Buenavista Police Station, nagabot sang pusil ang subject sa operasyon nga si Reynante Tanaleon sang Barangay Aguilar San Lorenzo Guimaras, gani nga gintiro sang operatiba.

May pilas si Tanaleon sa kamot kag sa idalum sang leog nga naglapos sa ulo.

Lakip sa recoveries ang tatlo ka sachets sang suspected shabu, 500 pesos nga buybust money kag 357 caliber revolver nga may apat ka live ammunition.

Si Tanaleon ang nagsurrender sa Oplan Tokhang sang San Lorenzo Police.

 

Ajuy

Natiruhan ang drug personality sa Brgy. Pili Ajuy sa buybust operation subong nga hapon. Naigo sa dughan si Paul Centeno sang amu man nga lugar.

Suno kay Chief Inspector Charlie Sustento, nagkuha sang 2-gauge homemade shotgun si Centeno sa tion sang buybust operation kag gintiro si PO1 John Brave Vicente nga naigo sa dughan apang wala naglapos ang bala bangud sang ginasoksok sini nga bullet-proof vest.

Napilitan naman nga magbalos ang pulis kay Centeno.

Si Centeno ang nagsurrender na sa Oplan Tokhang.

 

Una dire, napatay sa buybust operation sa Concepcion ang target drug personality nga si Michael Angelo Abedinar sang Bacjawan Norte matapos nagbatu sa pulis. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply