Iloilo City–Patay ang retired police nga ginpahayag nagbato sa buybust operation sang Mandurriao police sa Barangay Pali Benedicto, Mandurriao kagab-i.

Suno kay PSI Adolfo Pagharion, hepe sang Mandurriao Police Station, isa ka bulan nila nga gin-surveillance si retired SPO1 Wilson De Leon sang amo man nga lugar. Ginpahayag nga nagtuyo magbato si De Leon kabangdanan napilitan nga magbalos ang mga pulis. May lima ka igo sang bala si De Leon.

Gin-classify ni Pagharion si De Leon nga high value target kag naga-operate sa Northern Iloilo.

Nagasakay sa Toyota Vios si De Leon sang gin-operate sang Mandurriao police. Lakip sa recoveries ang isa ka bulto sang suspected shabu, kutsilyo, duha ka cellphones, 150 pesos nga cash, holster, ID, granada, 45-caliber pistol kag mga bala. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply