Barotac Viejo, Iloilo–Patay ang 72-anyos nga babaye matapos nabungguan sang puti nga van sa Brgy. Natividad, Barotac Viejo kaina sang aga.

Ginkilala ang biktima kay Elenita Natividad, residente sang nasambit nga lugar. Padulong kuntani ang biktima, kaupod ang duha niya ka mga paryente, sa lubong sang iya pakaisa.

Suno kay SPO4 Ariel Buenvista, nagtabok ang biktima sa karsada apang may naka-parking nga bus rason nga wala sini natalupangdan ang nagapadulong nga van nga ginamaneho ni Jonathan Anton, 37, residente sang Brgy. Aranwis, Balasan gani nga nabungguan.

Gindala pa sa Barotac Viejo District Hospital ang biktima apang napatay.  Preso naman karsel sang sa Barotac Viejo Police Station ang driver sang van.(AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply