Capiz–Ginabanta lima ka milyon ka pesos nga balor sang suspected shabu ang na-recover kahapon sang Capiz Provincial Anti-Illegal Drugs Special Operations Task Group sa St. Francis Subdivision sa Roxas City.

Ginapatihan ni Capiz Police Provincial Office Director Samuel Nacion nga nabilin ang 3/4 kilo sang suspected shabu sa boarding house sang ginatudlo drug personality nga si Toto Alavaren nga ginbuybust sang PAIDSOT sang Agosto 15 pero nakapalagyo. Ginpakamaayo sang tag-iya sang boarding house nga pasiraduhan ini.

Apang na-monitor sang PAIDSOT operatives suno kay Nacion nga masami may nagadulog nga salakyan sa atubang sang boarding house kabangdanan nga iya ginpangabay ang tag-iya nga buksan kag tugtan sila nga mag-search. Nakita ang binulto nga suspected shabu nga na-ipit sa double deck nga katre. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply