Guimaras Vice Gov Gando, gintawag nga Binutig kag Iresponsable ang Report nga Ginapahug ang mga Pumpboat Operators kun Magdungka sa GIFT
Read Time:1 Minute, 9 Second
Iloilo City — Binutig kag iresponsable nga pahayag ang naguwa nga report nga ginapahug sang mga opisyal sang Guimaras provincial government ang ila mga pumpboat operators batuk sa pagdungka sa Guimaras-Iloilo Ferry Terminal sa Parola area.
Nakibot si Guimaras Vice Governor John Edward Gando matapos ginpangayuan sang reaksyon sa report.
Suno kay Gando, indi istilo sang Guimaras provincial government nga magpamahug sa diin magabalik man sa mga guimarasnon ang perwisyo.
Ginpahayag ni Gando nga nagpasaka sila sang kaso batuk sa Iloilo City government kag Double Dragon Properties Corporation agud pamatukan ang pagbukas sang GIFT bangud nabutang sa Joint Venture Agreement nga sukton ang tanan nga magalabay sa ferry terminal sang 11 pesos nga terminal fee kag pasiraduhan ang Ortiz kag Parola wharves.
Sang damlag lang, nagsulat ang Double Dragon nga abagahon sang Sia family/Injap group ang terminal fee sa sulod sang 10 ka tuig kag mahimo pa ma-extend gani libre na ang magalabay sa GIFT.
Kahapon, gin-adoptar naman sang Iloilo City Council ang opinion sang City Legal Office nga indi na kinahanglan hatagan ang Double Dragon sang franchise to operate sa GIFT bangud binding na ang JVA.
Una na ginpahayag ni Councilor R Leone Gerochi, chairman sang committee on public utilities, nga may nabatian siya nga feedback nga madamo nga pumpboat operators ang luyag magdungka sa GIFT pero ginapahug nga indi na makadungka sa Guimaras. (JoMaque)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Average Rating