Iloilo City–Patay ang bag-o lang guwa sa presuhan nga lalaki sa buybust operation sa Barangay Jereos, La Paz kagab-i.

Ginkilala ang subject sang operasyon kay Elpidio Geroy alyas Budiong. May apat ini tanan ka pilas sa dughan kag magtimbang nga kamot.

May patimaan suno kay PCI Hilarion Roga, chief sang Scene of the Crime Operations, nga nagbato si Geroy bangud may nakita nga nagsalang nga bala sa narecover nga 45-caliber pistol sa tupad sini. May narecover man nga 9mm pistol; homemade 12-gauge shotgun; mga magazine kag bala sang pusil kag P15, 000 nga cash.

Si Geroy ang bag-o lang guwa sa New Bilibid Prison sa kaso nga murder. Gintudlo man ini nga bata-bata sang ginpahayag nga drug personality nga si Rolando Torpio alyas Apa.

Na-aresto naman ang kaupod ni Geroy nga si Christopher Paredes. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply