Pila ka Surrenderees sa Oplan Tokhang sa Syudad kag Probinsya, Liwat nga Nadakpan nga Nagabaligya sang Illegal nga Druga

Iloilo City — Nadakpan ang surrenderee sa oplan tokhang sa Jaro sa buybust operation kagab-i.

Ginreport nga nabaklan si Rammy Entrepido, 46-anyos sang Cubay Jaro, sang isa ka sachet sang suspected shabu kag nakuhaan sang duha pa gid ka sachets sang suspected shabu.

Nag-ako si Entrepido nga nagagamit pa siya kag nagabaligya sang illegal drugs bisan nagsurrender sa Oplan Tokhang sang Hulyo.

Samtang, nadakpan man sa buybust operation sang Janiuay Police ang Tokhang surrenderee nga si Jojie Alcampor, 37-anyos sang Brgy. Don Lutero East. Narecover kay Alcampor ang 5 ka plastic sachets sang suspected shabu kag P300 nga marked money.

Suno kay PO3 Melvin Mercado, Public Information Officer sang Janiuay Police Station, nag-surrender sa Oplan Tokhang si Alcampor sang Hulyo 8 apang na-monitor nga nagbalik ini sa pagbaligya sang illegal nga druga. (JoMaque)