Top 5 Municipalities nga may Pinakamadamo nga Kaso sang Dengue, Ginapatutukan sang Provincial Health Office

Iloilo–Ginapatutukan sang Provincial Health Office ang lima ka mga banwa nga may pinakamataas nga kaso sang dengue sa probinsya.

Nagmandu si Provincial Health Officer Dr. Patricia Grace Trabado sa sanitation inspectors nga padayunon ang pagfollow-up sa mga local chief executives sa ila ginahimo nga mga tikang kontra dengue. Plano man ni Trabado nga sapulon ang mga barangay officials sang lima ka banwa agud agud masiguro nga ang tanan nagabuligay sa pagtapna sang dengue.

Ang Top 5 municipalities ginalakipan sang Sta. Barbara, Calinog, Sara, Pavia kag Cabatuan. Ginpahanumdom ni Trabado nga ang pagpangita kag pagguba sang breeding places sang mga lamok ang pinaka-epektibo nga paagi sa pagtapna sang dengue.

Halin Enero tubtub Agosto 20 subong nga tuig, naglab-ot sa 5, 214 ang kaso sang dengue sang probinsya kag 13 dire ang ginrecord nga napatay. (AGB)