Iloilo City–Patal ang mga pilas sang mag-asawa nga Melvin kag Meriam Odicta nga gintiro patay sa Caticlan Jetty Port sa Malay, Aklan kahapon sang kaagahon.

Base ini sa pag-autopsy ni Dr. Owen Lebaquin, medico legal officer sang Police Regional Office 6, sa bangkay sang mag-asawa. May patal nga pilas sa ibabaw sang pigtot si Meriam nga naglapos sa ibabaw sang pusod ang bala. Naigo suno kay Lebaquin ang blood vessel sa spinal cord ni Meriam gani imposible na nga makalab-ot pa ini nga buhi sa ospital bangud sang madamu nga dugo nga nadula sa iya. Compatible sa 40 ukon 45-kalibre ang agi sang pilas ni Mrs. Odicta.

May apat naman ka mga pilas si Melvin suno kay Dr. Lebaquin. May igo ini sa ulo, dughan, alatrasan kag tuo nga paa. Pinaka-patal naman nga igo ni Melvin ang ulo kag dughan sa diin wala nakalapos ang bala kag narecover pa ang bala sa wala nga gusok.

Ginapatihan ni Lebaquin nga duha ka kalibre sang pusil ang gingamit sa pagtiro kay Melvin bangud may pilas ini nga compatible sa 9mm kag sa 45 kalibre. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply