Iloilo City–Naghuray-ad sa higad sang karsada ang 20-anyos nga lalaki sa Barangay Bakhaw, Mandurriao bangud sa igo bala sang pusil.

Patay gid si John Christian Solinap alyas Nonoy Kuring, 20-anyos sang Barangay San Nicolas, Lapaz, bangud sa pilas sa baba. Base sa pagpangusisa sang Mandurriao police sa pagpanguna ni PSI Adolfo Pagharion, nakita si Solinap kag iya abyan nga si Joshua Bon, 23-anyos, nga nagadugsing sa ibabaw sang atop sang balay. Una nga nagpanaug si Solinap kag ginpahayag ginduhol ni Bon ang pusil sang nabatian ang lupok kag natumba ang biktima.

Gilayon man nagpangayo sang bulig si Bon pero nagdalagan sang nakita nga wala na nagahulag ang iya abyan. Gina-establisar sang mga pulis kon aksidente lang nga naglupok ang pusil ukon hungod ang pagtiro.

May narecover ang mga pulis nga sachets nga may suspected shabu residue kag mga drug paraphernalia sa balay nga gina-istaran ni Solinap sa Bakhaw. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply