Iloilo City–Indi na interesado ang pamilya Odicta nga mag-imbestigar kun sin-o ang nagpatay sa mag-asawa nga Melvin kag Meriam sa Caticlan Jetty Port sa Malay, Aklan sang Agosto 29 sang kaagahon.

Ginpahibalo ini sang isa sa mga abogado sang pamilya nga si Atty. Romeo Gerochi. Wala man sang plano ang pamilya suno sa iya nga mag-file sang kaso sa sin-o man ang responsable sa krimen.

Suno sa iya, ilubong na lang kaupod sang mag-asawa ang anuman nga natabu may kaangtanan sa ila kamatayon.

Wala man sang ideya si Gerochi sa akusasyon sang pamilya nga pulis ang ginatudlo suspek sa krimen. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply