(Update) Dakpanay sang LTO 6, Temporaryo gin-untat bangud sang Pag-relieve sang 19 ka Personnel sang Law Enforcement Team

Iloilo City — Gin-untat temporaryo dakpanay sang Land Transportation Office 6 bangud sa pag-relieve sa 19 ka personnel sang law enforcement team.

Ginkonfirmar ni Atty. Gaudioso Geduspan, legal officer sang LTO 6 kag chairman sang Regional Anti-fixers team, nga ginsuspender temporaryo ang dakpanay kag ginrelieve ang gintumod nga mga personnel samtang nagapadayon ang imbestigasyon sa natukiban nga anomaliya.

Ginpahayag ni Geduspan nga isa sa mga gina-imbestigaran nila kon sin-o ang utok sa pagamit sang frixion pen, ang ballpen nga ginagamitan sang ink nga naga-evaporate kon igaang sa mainit nga surface.

Lakip sa ginrelieve ang anum ka permanente nga empleyado nga sanday Edrex Rey Luz, Nephtaly Canoy, Jerry Florendo, Leopoldo Aspera, Roger Nuñal kag Jose Jaro Jr kag 13 ka job orders nga sanday Humbert Molinos, Von Aerol Nunieza, Samuel Guzman, Bernard Bacay, Michael Jaro, Ernie Dichoson, Stephen John Salcedo, Jaysann Demontano, Jhay-ar Baldeviso, Jonas Torres, Arthur Val Malones kag Norwel Sevilla. (JoMaque)