Iloilo City–Patay ang isa sa duha ka mga ginatudlo high value target drug personalities sa syudad sang ginserbihan sang warrant of arrest sa Brgy. Ticud, Lapaz kahapon.

Ginpangunahan sang taga-Criminal Investigation and Detection Group ukon CIDG 6 ang operasyon kaupod ang ICPO-SWAT batuk kanday Aslani Ansari, 21-anyos, kag Alex Mapandi alyas Angari. Una ginreport nga nagpalupok sang pusil si Ansari kag naigo ang pulis apang nakasuksok ini sang bulletproof vest gani wala napilasan.

Nakabalos naman sang tiro ang pulis kag naigo si Ansari sa dughan gani napatay.

Sanday Ansari kag Mapandi ang may kaso nga murder may kaangtanan sa kamatayon ni Jalil Abubakar nga nasapwan nga naputos sa plastic bag sa Circumferential Road sa Balabago, Jaro sang Hunyo.

Suno kay PSSUPT Marlon Tayaba sang CIDG 6, magluwas sa pagpamatay, naga-engage man sa illegal drug trade ang duha ka suspetsado. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply