Ajuy, Iloilo–Patay ang police intel kag Tokhang surrenderee sa shooting incident sa guwa sang bulangan sa Central, Ajuy kagab-i.

Suno kay PCI Charlie Sustento, hepe sang Ajuy Police Station, may nagreport nga nagapanaya-taya sang pusil si Armand Edem, 46-anyos sang Taguhangin, Ajuy. Natabuan nga ara sa bulangan si PO3 Kenneth Torreres bangud may ginapa-operate sa iya kasunod sang report nga may baligyaanay sang illegal drugs. Ginguwaan sini si Edem pero gintiro siya kag naigo sa ulo kag dughan rason nga napatay.

Nagresponder sanday PO1 John Brave Vicente kag PO2 Ryan Alfin. Gintiro ni Vicente si Edem nga naigo sa lawas pero nakabalos ini kag naigo ang duha ka pulis kag ang sibilyan nga si Nestor Aquarino.

Na-operahan na si Vicente nga may pilas sa tiyan. Padayon man nga ginabulong sa ospital si Alfin nga may pilas sa dughan kag si Aquarino nga may pilas sa wala nga paa. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply