16 ka mga Chiefs of Police sa Probinsiya, Gin-relieve

Iloilo — Gin-relieve umpisa subong nga adlaw ang 16 ka mga chiefs of police sa mga kabanwahanan sang probinsya.

Suno kay Iloilo Police Provincial Office ukon IPPO Director Agustus Roderick Alba ang rason sa  pagka-relieve sa mga chiefs of police amo ang mahina nga performance sa kampanya batuk sa illegal nga druga ilabi na ang pagdakop sa mga high value target drug personality.

I-relieve ang 16  ka mga chiefs of police base sa evaluation performance sa kampanya batuk sa illegal nga druga nga ginpamonoan ni Police Regional Office ukon PRO6 Director Jose Gentiles nga napetsahan Hulyo 1 tubtub Agosto 31.

Ang mga ginrelieve nga chiefs of police  nalakipan nanday  Chief Inspector Rogelio Ortigas sang Anilao, Chief Inspector Raymund Celoso sang Barotac Nuevo, Inspector Venancio Rendon sang Barotac Viejo; SPO4 Sheila Bito-onan sang Batad; Senior Inspector Ronald Paclibar sang Dueñas; Senior Inspector Jason Pancha sang Guimbal; Senior Inspector Ceferino Gelpe sang Igbaras; Senior Inspector Felix Alianza Jr. sang Lambunao; Senior  Inspector Elmer Villaruel sang Lemery; Senior Inspector Maria Teresa Lero sang Maasin; Inspector Roy Castro sang Mina; Inspector Ruben Perra sang San Rafael; senior inspector Hermogenes Eulatic sang Tigbauan; Senior Inspector John Paul Guay sang Zarraga; Inspector Raymund Gemarino sang San Joaquin; kag Inspector Wilmar Bolivar sang Santa Barbara. Magluwas sa 16 ka hepe sang police may 6 na ka chiefs of police nga bag-o lang ginpang-relieve. (Nemesio Martirez)