1 Patay, 3 Pilason sa Pagbunggo sang Salakyan sa Puno sang Kahoy sa Barotac Viejo

Barotac Viejo, Iloilo–Wala na natabangan ang driver ang pick-up nga si Rodel Villa matapos nakabunggo sa puno sang mahogany sa Barangay Sto. Dominggo kaina sang aga.

Pilason naman ang tatlo pa ka iban nga ginalakipan sang asawa ni Villa nga si Ma. Rhea kag kaupod sa salakyan nga sanday Rodrigo Bardosa kag Glenn Descautan sang Barangay Luca, Ajuy.  Gulpi nga ginkabig sang driver ang manibela sang nag-awas sa karsada ang salakyan matapos ini nag-takeover sa motorsiklo pero nakabunggo sa kahoy.

Padulong sa syudad sang Iloilo ang mga biktima sang natabu ang aksidente. (AGB)