Ginkumpirmar ni Guimaras Governor Samuel Gumarin nga nagtawag sa iya si Iloilo City Mayor Jed Patrick Mabilog kahapon kag nag-sorry sa mga ginpangbuy-an sini nga tinaga nga nakasaklaw sa mga Guimarasnon.

Ginpahayag ni Gumarin nga ginabaton niya ang sorry sang alkalde pero mas maayo nga mahambal niya anay ang bise gobernador kag mga miembro sang Sangguniang Panlalawigan kag mas maayo kun mahambal niya ini sa kahanginan. Ginpalab-ut sa iya ni Mabilog nga lain ang buot sini silingon kag ginpabutyag sini nga na-misquote lang siya rason nga na-akig sa iya ang taga-Guimaras.

Una na ginpahayag ni Vice Gov. John Edward Gando nga gusto niya ipadeklarar si Mabilog nga persona non grata bangud sa pagbanat sini sa mga taga-Guimaras. Nagapati naman si Gumarin nga sinsero si Mabilog sa pagpangayo sang pasaylo sa mga taga-Guimaras.

Madumduman nga sa BADAC meeting sang nagligad nga semana, ginhambal ni Mayor Mabilog nga nagapaminsar siya nga indi maglabay ang taga-Guimaras sa Guimaras-Iloilo Ferry Terminal bangud nahadluk sila nga may makita sa ila bagahe kon i-agi sa xray machine. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

One thought on “UPDATE: Mayor Jed Patrick Mabilog, Nag-sorry sa taga-Guimaras; Naghambal nga Na-misquote lang Siya!”

Leave a Reply