Iloilo City–Madamo sang nagasimpatiya sa kamatayon sang mag-asawa nga Melvin kag Meriam Odicta nga ginlubong kahapon sa Forest Lake Cemetery.

Suno kay Mrs. Candelaria Regalado nga iloy ni Meriam, ang pagkumpanyar sang ginabanta duha ka libo ka mga tawo ang nagapakita nga may nagasimpatiya sa gihapon sa ila pamilya. Wala man ini naglaum nga sobra ka damo sang nag-upod sa funeral convoy.

Na-obserbahan naman nga wala gid sang mga government officials kag police officials nga nagkumpanyar.

Alas-2 kahapon sang hapon sang gindala sa Tanza Parish Church ang bangkay sang mag-asawa para sa misa requiem. Lakip sa nagkumpanya ang mga miembro sang pamilya Odicta kag Regalado, nga empleyado kag supporters sang mag-asawa.

Agosto 29 sang kaagahon sang gintiro ang mag-asawa sang wala gihapon nakilala nga mga suspek sang nagpanaug sa RORO vessel sa Caticlan Jetty Port sa Malay, Aklan. Si Melvin Odicta ang ginatudlo sang mga law enforcement agencies nga drug group leader pero wala gid gin-ako sang mag-asawa nga involved sila sa illegal drug trade. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply