27-anyos nga Lalaki, Gintiro Patay sa Calinog
Calinog — Nasapwan nga patay na ang 27 anyos nga lalaki sa Barangay Nalbugan, Calinog kaina sang aga.
Ang biktima ginkilala kay Cleo Loredo, residente sang Barangay Guinhulacan, Bingawan samtang ginatudlo nga suspek sa pagtiro amu si Bernardo Corpuz, residente sang Barangay Nalbugan.
Ginpahayag nga kagab-i pa nabatian sang mga residente ang lupok sang pusil pero kaina lang sang aga nasapwan ang bangkay ni Loredo.
Dumot ang ginhalinan sang pagpangluthang bangud sang nagligad nga adlaw, ginlambatan ni Loredo si Corpuz kag ginkastigo rason nga nagreklamo ini sa kapitan sang barangay.
Natalana pa kuntani nga mag-aregluhanay sa barangay hall ang duha kaina sang aga. At large ang suspetsado. (JoMaque)
About Post Author
aksyonradyoiloilo_ahuqdr
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Average Rating