Lalaki sa Oton, Gingutraban sang Leog!!!

Oton, Iloilo–Ginhingagaw dala sa Western Visayas Medical Center ang 33-anyos nga lalaki matapos gingutraban sang leog sa Barangay San Nicolas.

Ginkilala ang biktima kay Albert Silao sang Brgy. Sto. Domingo, Oton. Nag-surrender naman ang suspek nga si Bienvinido Sapulno Jr, 36-anyos sang San Nicolas Oton.

Ginpahayag nga nagapungko lang ang biktima sang ginpalapitan siya sang suspek, ginbutong ang buhok kag gingutrab ang wala nga parte sang leog gamit ang kutsilyo. Suno kay Sapulno, nagsulod lang sa ulo niya nga gutrabon ang leog ni Silao.

Ginapatihan nga hubog ang suspek bangud nga nagahiwat sang kafiestahan ang Brgy. San Nicolas, Oton.  Padayon nga ginabulong sa ospital ang biktima. (AGB)