Zika Update: 88% sang mga Balay sa Benedicto, Jaro, Gin-subject sa Pagpang-Spray sang Insecticide Batuk sa mga Lamok!

Iloilo City–88% lang sa mga pamalay sa Brgy. Benedicto, Jaro ang na-subject sa pagpang-spray sang insecticide kontra sa lamok nga nagadala sang dengue, zika kag chikungunya.

Sa data sang City Health Office, ginpahayag ni Dr. Bernard Caspe nga 10% sang mga balay ang nagapamatok pagpang-spray samtang 2% ang wala gin-subject sa pagpangspray bangud may mga nagamasakit. Nagalaum si Caspe nga ugyunan sang mga pumuluyo ang programa sang Department of Health.

Na-record sa Benedicto ang tatlo ka kaso sang zika virus apang naka-recover na ang mga pasyente.

Masunod nga padulungan sang CHO para sa house-to-house nga pagpang-spray sang insecticide ang Barangay Quintin Salas, Jaro.  Plano man nga ilakip ang 10 ka mga barangay nga may pinakamataas nga kaso sang dengue sa syudad. (AGB)