Ginatudlo High Value Target Drug Personality sa Molo, Nakuhaan sang Suspected Shabu sang Ginserbihan sang Arrest Warrant

Iloilo City–Ginabanta sa P300, 000 nga balor sang suspected shabu ang nakuha sa ginatudlo nga high value target (HVT) drug personality sa Molo matapos ginserbihan sang arrest warrant.

Gindakup si Ken Mark Pineda, 29-anyos sang Infante, Molo kaupod si Lindsay Kay Po, 38-anyos sang Quezon City sa Quintin Salas, Jaro kahapon  sang hapon.

Narecover ang 15 ka daku nga bulto sang suspected shabu sang ginrekisa ang duha. (AGB)