Pagdisiplina sa mga Punong Barangay sa Syudad nga Wala Nakasumiter sang BADAC Report, Ginabilin ni Mayor Jed Patrick Mabilog sa City DILG

Iloilo City–Ginpasa ni Mayor Jed Patrick Mabilog sa City DILG ang pagdisiplina sa mga punong barangay nga napaslawan nga magsumiter sang Barangay Anti-Drug Abuse (BADAC) report.

Gintalana ni Mayor Mabilog ang Setyembre 15 nga deadline. Suno sa alkalde, anum sa 180 ka mga barangay kapitan ang wala nakahingagaw pasa sang BADAC report.

Nagapati si Mabilog nga may mga pama-agi ang DILG agud mahatagan sang leksyon ang mga kapitan nga nagapabuyan-buyan sa pagsumiter sang report. Nagbalibad naman ang alkalde sa paghingalan sang mga kapitan nga wala naka-submit sa kahangawa para sa ila seguridad. (AGB)