UPDATE: ‘High Value Target’ sang mga Otoridad, Nanginwala nga Nagabaligya sang Illegal Drugs kag Nagapanag-iya sang mga Armas!
Read Time:1 Minute, 25 Second
Oton, Iloilo–Ginbanta sa P70, 000 ang balor sang suspected shabu nga narecover sa ginatudlo nga high value target drug personality nga si Marque ‘Boboy’ Acap kag sa iya kaupdanan sa buybust operation sang Philippine Drug Enforcement Agency ukon PDEA 6 kag Oton police kahapon.
Magluwas kay Boboy Acap, 50-anyos sang Villa Cristina Subdivision, Barangay Cagbang, Oton, na-aresto man ang bata sini nga si Marque Jr alyas Boyet, 30-anyos sang amu man nga lugar; Avelino Revilla, 39-anyos sang Lapuz Norte; Ryan Patrick Garcia, 29 sang Sta. Cruz, Arevalo kag Alexander Animas sang Mohon, Arevalo. Na-recover sa mga nadakpan ang anum ka dalagku nga plastic sachets sang suspected shabu kag lima ka magagmay nga plastic sachet.
Nakuha pa gid sa balay ni Acap ang KG9 submachine gun nga may duha ka magazines kag 43 ka live ammos; 38-caliber revolver nga may 15 ka live ammos; isa ka hand grenade kag 500 pesos nga marked money. Nakuha man ang gamay nga notebook nga listahan sang mga cellphone numbers nanday “Bosing,” “Gamay” kag “Colangco.” Apang gina-check pa sang PDEA kun iya ni convicted drug lord Herbert Colanggo ang numero.
‘Wala Ko Ya’
Todo panginwala naman si Acap nga nagabaligya siya sang illegal drugs ukon nagapang-iya sang mga armas.
Si Boboy Acap ang madugay na nga yara sa target list sang kapulisan suno kay PCI Alejandro Apostol, hepe sang Oton Police Station. Apang wala ini nalakip sa Barangay Anti-Drug Abuse Council ukon BADAC report ni Cagbang, Oton Punong Barangay Gary Clavel. Suno kay Clavel, nangayaw lang istar sa ila barangay si Acap bangud tumanbdok ini sang Mohon, Arevalo.
Si Acap ang ginatudlo nga masami nagapalupok sang pusil. (AGB)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Average Rating