26-anyos nga Asawa sa Carles nga Ginreport sang iya Bana nga Missing, Natukiban nga Nag-upod sa Iban nga Lalaki!

Carles, Iloilo–Nag-upod sa iban nga lalaki ang 26-anyos nga asawa nga una ginreport nga nadula.

Suno sa bana nga si alyas Ronald, ginpa-blotter niya ang asawa nga si alyas Chenee sa kahadlok nga may natabu nga malain. Apang sang gin-imbestigaran sang Women and Children’s Protection Desk sang Carles Police Station, natukiban nga nag-upod sa iban nga lalaki si Chenee.

Ginkilala ang ginatudlo nga kerido nga si alyas Dale, 35-anyos nga tricycle driver. Suno kay Ronald, wala gid siya naghuna-huna nga ginalu-iban siya sang asawa bangud wala man sila sang may gin-awayan kag nangin maayo ang ila nga pag-upod.

Nakibot ang bana sang nahibaluan nga may iban nga karelasyon ang asawa kag nagaplano nga mag-elope sa iya kerido.

Wala sang nahimu si Ronald kundi batunon ang sitwasyon kag hatagan sang pagtamud ang apat ka kabataan nila ni Chenee. Pagpanguma ang trabaho ni Ronald kag pareho nga naga-eskuwela sa elementarya ang ila kabataan ni Chenee. (AGB)