UPDATE: High Value Target Drug Personality sa Listahan sang PDEA 6 nga si Marque ‘Boboy’ Acap kag mga Kaupod sini nga Nadakpan sa Buybust Operation, Ginpasakaan na sang Kaso

Iloilo–Ginpasakaan na sang kaso kriminal ang nadakpan nga high value target drug personality sa listahan sang PDEA 6 nga si Marque ‘Boboy’ Acap sang Cagbang, Oton.

Kaso nga pagbaligya sang illegal nga druga, pagmentinar sang drug den, conspiracy kag illegal possession of firearms and explosive ang ginapangatubang ni Boboy Acap matapos nadakpan sa buybust operation sa ila balay sa Villa Cristina Subdivision sa Barangay Cagbang kahapon. Kaso nga pagbaligya sang illegal drugs kag conspiracy ang gin-file batuk sa bata ni Boboy Acap nga si Marque Jr alyas Boyet.

Samtang si Avelino Revilla ang ginkasuhan sang pagbaligya sang illegal drugs, conspiracy kag illegal possession of firearms and explosive. Visiting drug den naman ang ginfile nga kaso batuk kanday Barangay Tanod Alexander Animas kag empleyado sang drug den ni Acap nga si Ryan Patrick Garcia.

Suno kay PDEA 6 Assistant Director Levi Ortiz, nag-negatibo sa drug test ang mag-amay nga acap apang nagpositibo naman sanday Animas, Revilla kag Garcia. (AGB)