Iloilo City— Gin-ako sang tag-iya sang balay nga gintudlo ginhalinan sang sunog sa Zone 6 Boulevard, Molo nga illegal sila nga naga-angut sa linya sang Panay Electric Company ukon PECO.

Suno kay Mrs. Letecia Baco, ang iya bata nga si Jovy Baco ang naga-angut sa linya sang PECO. Ginpahayag sini nga wala siya sang mahimo bangud madulom kon wala sila sang elektrisidad. Suno pa kay Baco, naga-ayo siya sa mga kaingud balay niya. Pero wala ang mga ini nagapasugot nga temporaryo siya nga maka-tap sa ila linya sang kuryente.

Ginpabutyag pa ni Baco nga indi man nila hungod ang sunog kag pareho lang sila nga nahalitan.

Lima tanan ka mga balay ang naupos sa sunog nga ginalakipan sang balay ni Baco, Norwel Gapasinao, Julie Piad, Daniel Confesor kag Mario Baco. Partially-damaged ang mga balay nanday Alexander Derojo, Alejandra Dayaday kag Fernando Acuyado.

Pilason sanday Rolando Medina, Alan Javelin kag RM Abarjento samtang nakuryente si Jaime Balmatero.

Ginabanta ni SFO1 Rolen Hormina sang BFP-Iloilo City ang kahalitan sa P500, 000. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply