Nagsurrender sa mga pulis sa Western Visayas ang 183 ka mga barangay officials kag government employees nga nagagamit sang illegal nga druga.

Suno kay Police Regional Office 6 Spokesman PSUPT Gilbert Gorero, 60 ang nagsurrender sa Aklan, 48 sa Antique, 17 sa Capiz kag walo sa Guimaras. Sa probinsya sang Iloilo, 46 ang nagsurrender samtang apat halin sa syudad sang Iloilo.

Sa nasambit nga figure, 133 ang mga barangay kagawad, 20 ang punong barangay kag 30 ang mga empleyado sang gobyerno.

Nagpangayo naman sang paghangup si Gorero nga indi malawag ang pangalan sang mga nagsurrender nga drug users. Ginapanan-aw naman si Gorero nga madugangan pa ang numero sang drug surrenderees sa padayon nga implementasyon sang Project Double Barrel. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply