Madugay na nga Conviction sa Kaso nga Frustrated Murder ni Monica City Proper Barangay Kagawad Jingjing Espinosa Jr, Natukiban
Read Time:54 Second
Iloilo City — Natukiban ang madugay na nga conviction sa kaso nga frustrated murder batuk kay Monica City Proper barangay kagawad Jesus “JingJing” Espinosa Jr, ang gin-identify sang PDEA 6 nga drug group leader.
Suno kay journalist Manuel Mejorada, natukiban nga Setyembre 7, 2012 pa napadala ang case folders sa diin gin-affirm sang korte suprema kag Court of Appeals ang implementasyon sang prison term nga ginpapanaug ni RTC branch 31 presiding judge Rene Hortillo kay Espinosa Jr kaupod kay Robinito ‘Bord’ Malaga sa kaso nga frustrated murder bangud sa pagtiro kay Mark Serra sang Barangay Monica sang Nobyembre 24, 2002.
Ang isa pa ka akusado nga si Cris Rudi Balidiong ang napatay samtang ginahulat ang desisyon sa kaso.
Ginpahayag nga wala lang natalupangdan ang mga dokumento bangud nagsaylo sadto ang mga personnel sang Hall of Justice sa De Paul College.
Nagretiro na si Judge Hortillo kag magabulos nga acting presiding judge sa RTC branch 31 si Judge Yolanda Panaguiton-Gavino.
Nagalaum si Mejorada nga makapaguwa sang warrant of arrest si Judge Gavino kontra kanday Espinosa Jr kag Malaga. (JoMaque)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Average Rating