Iloilo City–Problema sa Barangay Boulevard, Molo ang illegal nga pag-tap sang mga residente sa linya sang Panay Electric Company ukon PECO.

Gin-ako ini ni Punong Barangay John ‘Jing’ Villanueva kasunod sang sunog sa Zone 6 sang damlag lang. Lima ka balay ang naupos gid sa sunog nga ginalakipan sang balay nanday Leticia Baco, Norwel Gapasinao, Julie Piad, Daniel Confesor kag Mario Baco. Partially-damaged ang mga balay nanday Alexander Derojo, Alejandra Dayaday kag Fernando Acuyado. Nag-ako si Baco nga naga-angut sila sa linya sang PECO bangud wala sila sang kontador.

Ginpahayag ni Kapitan Villanueva nga wala man siya naga-untat sa pagsaway sa mga residente kag naga-coordinate man sa PECO agud madakpan ang mga naga-jumper. May tiun suno kay Villanueva nga siya na lang ang nagapanglalas sang mga linya sang kuryente. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply