Mga Mayors sa Narco List ni Presidente Rodrigo Duterte, Dapat nga Mag-resign nga CADAC ukon MADAC Chair
Dapat nga mag-resign bilang chair sang City ukon Municipal Anti-Drug Abuse Council ukon ang mga mayors nga nalakip sa narco list ni Presidente Rodrigo Duterte.
Indi maayo suno kay SILG Ismael ‘Mike’ Sueno nga magpabilin sila nga MADAC ukon CADAC chair samtang gina-imbestigaran ang ila koneksyon sa illegal drug trade.
Ang problema lang suno sa tiglikom nga wala sang may naga-ako nga local officials bisan nahingadlan na sila nga drug protector. Gin-engganyo niya nga magpirma sa affidavit ang mga local officials nga nagasaad nga handa sila nga buksan ang ila propedad pati na ang bank accounts sa imbestigasyon.
Posible naman nga mapaguwa sang memorandum circular si Sueno agud suspendiron temporaryo ang mga mayors bilang MADAC ukon CADAC chair samtang padayon ang imbestigasyon sa ila. (AGB)
indi gid maayo, eh. kun si mayor gina-paimbistigahan pa parti sang iya koneksiyon sa illegal drug trade then wala na siya moral standing leading/heading the committee especially kun ang committee nga gina kaptan ya may kaangtanan man sa illegal nga droga. kwestionable na ang iya impartiality kag objectivity. kwestionable man kun masaligan pa siya. although nga ginapanginwala ini sang mayor nga wala siya koneksiyon, PDEA identified siya. he will score points if he temporarily relinquish his chairmanship…
Husto na ang ginsiling ni Sec Sueno nga magresign ang MADAC O CADAC chairman nga nahingadlan sa narcopolitic list out of delicadeza. Kon sa ibang nga pungsod na kon nadlahig ngalan nila automatic ga resign sila and to some extent naga suicide kay nadagtaan na ang ila ngalan nila pero ang Filipino lain.