Pribado nga Salakyan, Aksidente nga nagsaka sa Center Island sa Pavia, Isa patay kag Lima ang Pilason

Pavia, Iloilo — Isa ang patay, lima ang pilason sang nagsaka sa center island sa Ungka Dos Pavia ang Mitsubishi Strada kagab-i.

Sa record sang Western Visayas Medical Center, napatay si Maria Hope Palabrica Morante. Lakip man sa gindala sa ospital ang driver nga si Regie Dumulong sang Dumarao Capiz kaupod ang iya mga pasahero nga sanday Ronel Dumulong, 22; RJ Lovero, 29 sang Cabugao Sur Pavia; Nelson Azucena, 37 sang Cabugao Sur Pavia kag Jeffrey Simpromonte.

Suno kay Ronel Dumulong, halin sa Pavia kag malagaw kuntani sa syudad sang natabu ang aksidente.

Gin-ako sini nga naka-inom sila sang gamay. Base sa certificate of registration nga nakita sa sulod sang salakyan, nakapangalan ini kay Wei Dong-Cao. (JoMaque)