Iloilo City–Ginsumbag sang trisikad driver nga ginapatihan adik sa rugby ang barangay tanod.

Suno kay Barangay Tanod Cezar Jimogaon sang Kasing-Kasing, Molo, nagresponder siya sang nakabaton sang impormasyon nga may nagasimhot sang rugby sa kilid sang dalan. Nadakpan sini sa akto si Rodel Alba, 23-anyos, nga nagasimhot sang rugby gani iya ginsaway kag ginpapuli.

Apang sa baylo nga magpati, gulpi siya ginsumbag ni Alba sa dughan gani iya gin-aresto kag gindala sa Police Station 1.

Suno pa sa tanod, ginpahog siya sang suspek nga balikan kon makaguwa na sa presuhan. Apang nagsorry man ang trisikad driver sa ulihi kag nagpromisa nga indi na pagsuliton ang iya ginhimo. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply