Iloilo–Ginatun-an pa sang kampo ni 2nd District Board Member Liecel Seville kun diin ipasaka ang kaso batok kay New Lucena Mayor Christian Sorongon bangud sa pag-isyu sang mission order sa iya mga bodyguards kag ginpa-armasan ang mga ini gamit ang pusil nga ginapanag-iyahan sang banwa.

Ginpa-imbestigaran ni Seville ang mga bodyguards ni Sorongon sa Iloilo Police Provincial Office matapos nakit-an ang mga ini nga nagataklos sang pusil sang nagsulod sa opisina sang alkalde sang Agosto 10. Suno kay Seville, pasakaan nila sang kaso kriminal si Sorongon bangud sang illegal use of firearms paagi sa pag-issue sang mission order sa iya mga bodyguards. Pasakaan man ini sang kaso administratibo bangud sang grave misconduct matapos niya gingamit ang iya otoridad pabor sa iya kaugalingon.

Ang mga pusil nga ginpagamit ni Sorongon sa iya mga bodyguards ang ginapanag-iyahan sang banwa kag ginbakal sa panahon ni anay Mayor June Mondejar. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply