Iloilo City–Nagakabalaka ang self-confessed drug user sa iya seguridad kabangdanan nagdangop ini sa Aksyon Radyo Iloilo.

Suno sa 24-anyos nga si Niel Ganancial sang Alegria, Sibunag, Guimaras, gintawgan siya sang isa ka intel officer kag ginapakadto siya sa police station upod ang apat ka iban pa nga ginadudahan drug addict sa ila barangay. Nagakabalaka si Ganancial nga may matabu sa iya kag masapwan na lang pareho sang iban nga mga drug suspects. Natukiban man ni Ganancial nga may tag-P50, 000 nga patong sa ila ulo.

Aminado si Ganancial nga nakagamit siya sang shabu pero iya ginpanindugan nga iya na gin-untatan ang bisyo. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply