Bingawan, Iloilo — Nagapangayo sang ka-athagan ang iloy kon ensakto ang ginhimo sang policewoman sa iya menor-de-edad nga babaye nga nag-ako nga nagkawat sang kwarta sa Bingawan.

Suno kay alyas Angga, gin-ako sang 12 anyos sini nga bata nga ginkuha niya ang 40 mil pesos sa balay ni Arter Lim Castellano sang Setyembre 1.

Setyembre 11 suno sa iya sang nagkadto ang apat ka pulis sa ila balay lakip si Police Officer Hasmin Frial sang Women and Children Protection Desk.

Ginpahayag ni Angga nga ginpaguwa siya sa balay samtang ginpamangkot sang mga pulis si alyas Nene.

Wala naman nakaguwa ang iya bana nga nagahigda sa duyan sa sulod sang balay.

Nabatian suno kay Angga sang iya bana nga ginhambalan sang pulis si Nene nga ambisyosa ini kag ginpahayag nga ginhampak sang ballpen sa ulo kag gintuslok sa baba.

Gintudlo naman ni Nene ang ginabutangan sang kuwarta pero naglab-ut lang sa 18 mil 550 pesos.

Suno kay Nene, gingamit sini ang iban nga kuwarta sang mga gamit sa eskwelahan, cellphone, PE uniform, bag, t-shirt kag isa ka dosena nga pinggan.

Gin-athag ni Angga nga wala sang police record ang iya bata. Nagreklamo si Angga bangud ginhambalan pa siya ni Police Officer Frial nga nagsunod sa iya ang iya bata.

Gin-ako ni nene nga ginkuha niya ang kuwarta samtang gin-akusaran si police officer frial nga naghampak kag nagtuslok sa iya sang ballpen. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

One thought on “Menor de Edad, Nagreklamo nga Ginsakit sang Policewoman matapos Nag-ako nga Nagkawat sang Kuwarta”
  1. te dugay nako sa pilipinas way man ko gin gutom way man ko katilaw sang hatag sang americca araw araw gid, bahala gapamuyayaw si duterte kita man ang resulta sa pag bag o , kaysa gahipos way man hinimo an . approved kami feel namon ang kalinong sang kumunidad.feel safe kami.

Leave a Reply