Iloilo City — Gin-aprobahan sang city council ang resolution ni Councilor Plaridel Nava nga imbestigaran ang tatlo ka mga punong barangay sa syudad nga ginapatihan protector sang illegal ng druga.

Unanimously approved sang mga miembro sang konseho ang resolution kag gin-refer sa Committee on Police Matters and Public Safety nga ginapamunuan ni Councilor Jeffrey Ganzon.

Ginkalipay ni Nava nga ginpaboran ang iya resolution bisan pila sa iya mga kaupod ang may reservations kag nagsiling nga dapat may verified complaint antes mag-aksyon ang konseho.

Apang ginrason sang konsehal nga wala nasaad sa laye nga indi makahimo sang moto propio investigation ang konseho kun wala sang verified complaint.

Pila man ka imbestigasyon ang ginhimo sang konseho sadtu nga wala man sang may nagreklamop suno kay Nava.

Indi makaaway suno sa iya sa illegal drugs ang city council kun sundon ang rason sang iya mga kaupdanan.

Partikular nga ginapa-imbestigaran ni Nava sanday Punong Barangay Keith “Dabing” Espinosa sang Monica-Blumentritt City Proper; Remia Prevendido-Gregori sang Bakhaw Mandurriao kag Noemi Jablo sang Desamparados Jaro. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply