Iloilo City — Hiwaton ang fact-finding investigation sang Committee on Police Matters sang city council sa Oktubre 17, alas 2 sa hapon sa session hall sang Sangguniang Panlungsod may kaangtanan sa resolution ni Councilor Plaridel Nava nga imbestigaran ang 3 ka mga punong barangay nga ginpahayag protector sang illegal nga druga.

Ipatawag bilang panel of investigators suno kay Councilor Jeffrey Ganzon, chairman sang Committee, ang Regional Anti-illegal Drug Special Operations Group (RAIDSOT), National Bureau of Investigtion (NBI), Iloilo City Police Office (ICPO), Department of Interior and Local Government (DILG) kag mga Liga president sang Jaro, City Proper kag Mandurriao.

Tuyo sang imbestigasyon nga makatipon sang ebidensya kag mas maayo nga may verified complaints batuk sa nasambit nga mga punong barangay.

Mabudlay sini kay Ganzon nga ang city council ang maga-file sang reklamo kag konseho man ang maga-desisyon.

Gintumod ni Nava sa iya resolution nga protector sang illegal nga druga sanday Monica Blumentritt City Proper punong barangay Keith “Dabing” Espinosa;  Remia Prevendido-Gregori sang Bakhaw Mandurriao kag Noemi Jablo sang Desamparados Jaro. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply