Napasakaan na sang kaso administratibo sang legal division sang Bureau of Jail Management and Penology (BJMP) 6 si Senior Jail Officer 1 Rolando Maguad nga nagprenda sang iya issued firearm nga m16 rifle.

Suno kay BJMP 6 PIO Jimmy Britanico, ang pag-file sang kaso base man sa mandu sang BJMP Central Office. Indi lang kaso administratibo ang ginapangatubang ni Maguad bangud pasakaan man siya sang kaso kriminal bangud sa pag-prenda sang pusil sang gobyerno.

Sa gin-execute nga judical affidavit ni Maguad, gin-ako sini nga naprenda niya ang m16 rifle bangud nga na-alangan sa kuwarta. Natukiban ang ginhimo ni Maguad matapos nga ginturn-over ni Bakhaw, Mandurriao Punong Barangay Remia Prevendido-Gregori ang pusil kay anay Mandurriao Police Station Chief PCI Jojo Tabaloc. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply