Iloilo City — Wala sang lugar sa syudad sang Iloilo ang mga high value target drug personalities.

Ini ang ginpahayag ni Mayor Jed Patrick Mabilog sa 4th quarter sang joint City Peace and Order Council (CPOC) kag Iloilo City Anti-Drug Abuse Council (ICADAC) meeting.

Matigdas ang pahayag sang alkalde nga dapat dakpon ang mga high value targets lakip na ang mga drug pushers kag users.

Ginsulit man sini ang iya kaseryoso sa kampanya kontra illegal nga druga.

Sa amo nga meeting, ginreport sang mga otoridad nga 4 na lang ka mga high value targets ang yara sa listahan sang Iloilo City Police Office — 1 sa Jaro, 1 sa Mandurriao kag 2 sa Molo.

Sa kabug-usan, may 13 ka mga high value targets sa syudad — 3 dire ang nag-surrender, 5 ang naaresto kag isa ang napatay. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply