Maasin, Iloilo–Nakabaton na sang Notice of Assumption si Vice Mayor Ansing Amboy nga patimaan nga pormal na ini magaserbe bilang acting mayor sang banwa.

Ini makaligad ginsuspender sang 90 ka adlaw si Mayor Mariano Malones.. Ginkumpirmar ni Malones nga naghalin sa Sandiganbayan ang preventive suspension kasunod sang ginfile nga kaso sa iya sang 2001 pa. May kaangtanan ini sa pagbakal sang banwa sang compactor nga ginpahayag wala na-agi sa ensakto nga bidding. Nagapati naman si Malones nga kabahin ini sang harassment nga ginahimo sang iya mga kasumpong sa pulitika.

Suno kay DILG Acting Provincial Director Leo Ticorda, kadungan sang pagbaton ni Malones sang kopya sang suspension, indi naman ini maka-function bilang mayor. Hatagan man sang kopya sang suspension ang mga department heads, Sangguniang Bayan, municipal treasurer, accountant kag Commission on Audit. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply