Iloilo City–Gin-relieve kag gina-imbestigaran si PO1 Ronan Florentino sang Mandurriao Police Station matapos nadakpan sang iya hepe nga nagpaguwa sang mga preso sa selda.

Ginpahayag ni PSI Adolfo Pagharion, hepe sang Mandurriao Police Station, natukiban sini nga ginpaguwa ni Florentino ang tatlo ka preso kag ginsugo nga maghaboy sang basura. Assigned sa patrol si Florentino suno kay Pagharion pero ginpahayag nga masami nga naga-istorya sa mga inmates nga sanday Alfredo Prevendido kag Norberto Prevendido Jr nga lunsay may kaso may kaangtanan sa illegal nga druga.

Lakip man sa imbestigaran suno kay Pagharion ang nakita sa kuha sang CCTV camera nga may ginhatag ang mga Prevendido kay Florentino.

Gin-reassign sa gate sang Iloilo City Police Office sa idalum sang ICPO Public Safety Company. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply