4th District Board Member Domingo Oso, Nagpasa sang Anum ka Resolutions May Kaangtanan sa Anti-Illegal Drugs Campaign

Iloilo–“The fight against drugs is a collective responsibility.”

Ini ang tigulo sang gindeliver nga privilege speech ni Board Member Domingo Oso sa session sang Sangguniang Panlalawigan angut sa giyera kontra illegal nga druga sang gobyerno.

Pagkatapos sang speech, ginduso ni Oso ang anum ka mga resolutions nga ginalakipan sang (1) pagsuporta niya sa anum ka bulan nga extension ni Presidente Rodrigo Duterte sa kampanya kontra illegal nga druga; (2) pag-engganyo sa tanan nga LGUs sa probinsya nga pag-activate ang Municipal Anti-Drug Abuse Council (MADAC) kag BADAC; (3) pagbulig sang Civic and Service Oriented Organizations sa probinsya sa kampanya kontra illegal nga druga; (4) pagpadasig sang government prosecutors kag judges sa resolution kag pagdesisyon sa mga drug cases; (5) pagka-responsable sang mga ginikanan sa ila kabataan agud malikaw sa illegal drugs kag (6) pagamit sang mga simbahan sang ila impluwensya para mapalagnag ang malain nga epekto sang illegal nga druga.

Nagapati si Board Member Oso nga mangin madinalag-un lang ang kampanya kontra sa illegal drugs kon maghugpong kag magbuligay ang tanan nga sektor sang sosyodad. Gin-aprubahan naman sang SP ang anum ka resolutions. (AGB)