Hepe sang mga Police Stations sa Probinsya nga wala nakalab-ut sa Quota para sa Positive Police Operations, Imbestigaran sang PRO 6
Read Time:48 Second
Iloilo City — Paga-imbestigaran sang Police Regional Office 6 ang mga hepe sang tatlo ka police stations sa probinsya matapos ginpahayag wala sang positive police operations may kaangtanan sa kampanya kontra illigal nga druga.
Suno kay Police Chief Inspector Aaron Palomo, Public Information Officer sang Iloilo Police Provincial Office, paga-imbestigaran sang PRO 6 ang mga hepe sang San Rafael, Lemery kag Alimodian bangud wala sila naka-deliver sang buy bust operation ukon may naaresto nga drug personality sa ila banwa halin Setyembre 9
Ginpaathag ni Palomo nga napahamtang sa nabukid nga parte ang nasambit nga mga lugar kag gamay lang ang ila problema sa drug affectation.
Kun madiskubrehan nga may kapaltahan ang mga pulis suno kay Palomo, iga-relieve sila kag pasakaan sang kaso administratibo sandig sa Command Memorandum Circular nga ginpapanaog ni PRO 6 Director Jose Gentiles.
Natalana sa Oktubre 22 ang 2nd Assessment sa Accomplishment sang kada police station sa kampanya kontra illegal nga druga. (JoMaque)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Average Rating