Iloilo City — Indi mag-untat sa pag-surveillance kag pag-monitor ang Philippine Drug Enforcement Agency (PDEA 6) tubtub indi madakup ang mga miembro sang Prevendido Drug Group.

Kasunod ini sang raid sang mga operatiba sa balay nanday PDEA 6-identified drug group leader Richard Prevendido, Boni Prevendido-Gregori kag Ednie Prevendido-Gimena nga subjects sa search warrant.

Suno kay PDEA 6 Asst Regional Director Levi Ortiz, bisan wala naabtan sang mga operatiba ang tatlo ka subjects, pasakaan sila gihapon sang kaso bangud sang mga narecover nga illegal drugs sa ila mga balay.

Lakip man sa pasakaan sang kaso ang duha pa ka hinablos ni Richard Prevendido nga sanday Troy kag Ariel Prevendido nga nakapalagyo sa buybust operation.

Sa tion nga ma-file ang kaso suno kay ortiz kag maguwa ang warrant of arrests, gilayon nga padal-an sang kopya ang tanan nga enforcement unit sang PDEA.

Ginabanta sa 1.3 ka milyon ka pesos ang kabug-usan nga balor sang illegal drugs nga narecover sa balay nanday Richard Prevendido, Boni Gregori kag Ednie Gimena.

Wala pa dire nalakip ang narecover man nga illegal drugs sa buybust operations nga ginabanta nagabalor sang P130,000.

Naaresto naman sa buybust ang ginakabig lookout nanday Troy kag Ariel Prevendido nga sanday Rodolfo Pasan Jr, Joe Vincent Suelon kag Ma. Beauty Dela Cruz, ang live-in partner ni Troy. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply