Iloilo City — Nahuya na sa mga tawo si Bakhaw Mandurriao punong barangay Remia Prevendido-Gregori sa ginahimo sang iya mga himata nga nadalahig sa pagbaligya sang illegal nga druga.

Naga-apelar ini sa iya utod nga si PDEA 6-identified drug group leader Richard Prevendido, bata nga si Boni Gregori kag hinablos nga si Ednie Gimena nga mag-surrender sa mga pulis agud indi mabutang sa alang-alang ang ila seguridad.

Wala nagpabaya si Gregori sa paglaygay sa iya himata sa malain nga epekto sang pagbaligya kag pagamit sang illegal nga druga apang ginpadayon pa ang ila bisyo.

Samtang gin-athag sang kapitan ang rason kun ngaa wala siya sa Bakhaw sang gin-search sang PDEA ang balay sang iya utod, bata kag hinablos sang Oktubre 21.

Suno kay Gregori, aga pa siya naghalin sa ila balay kag nagpakuha sang fasting blood sugar ukon FBS swa ospital.

Ginabanta sa P1.3 million ang balor sang suspected shabu nga nakuha sa balay sang mga himata ni kapitan Gregori.  (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply