Iloilo City — Napasaka na ang kaso nga murder kag frustrated murder batuk kay PO1 JV Longno nga assigned sa Regional Public Safety Battalion nga nabase sa coal-fired power plant sa Brgy. Nipa, Concepcion.

Kasunod ini sang pagtiro patay ni Longno sa tag-iya sang videokehan nga si John Namud alyas Junjun kag pagtiro sa isa pa ka sibilyan nga si Lyndy Franco alyas Kano sang Oktubre 21 sang gab-i.

Gin-file na ni Chief Inspector Jonathan Pinuela, hepe sang Concepcion Police Station ang kaso batuk kay Longno sa Provincial Prosecutor’s Office.

Dead on Arrival si Namud sa Sara District Hospital bangud sang pilas sa ulo samtang padayon nga ginabulong sa Western Visayas Medical Center ang isa pa ka biktima nga si Franco nga napilasan sa paa.

Ginpahayag nga naakig si Longno sang wala nagpasugot si Namud nga mag-extend ini sa pagkanta bangud ginasunod ang curfew nga alas 10 sa gab-i.  (JoMaque)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply